CATACLYZA

CATACLYZA
apud Gregorium Turonens. de Gloriae Confess. l. 2. c. 63. Veruntamen calicem non imminuit, quia cataclyza in ipso fuerant soli data: Cerdae sunt fundus vasis; Carolo vero du Fresne, lapilli solidius vasi inserti, opere inclusoriô et aurifabrili. Cui proin vox corrapta videtur, pro Cataclista, Graece κατάκλειςτα; quemadmodum itidem recentiores Latini ipsum opus cataclyzoma vocârunt. Artem autem Cataclyzomatis, eandem fuisse quae Aurifabrorum, qui operibus suis lapillos et gemmas innectere seu includere, quod κατακλείειν Graecis est (unde Clusores et Inclusores, et Inclusorium opus) consuevêre, docet Arnobius Iun. in Confl. cum Serapione, l. 1. Unum diadema video, sed in ipso diademate, cataclyzomatis arte gemmae constitutae. Quod vero in solida materia faciebant Aurifabri, id fecêre in vestibus Phrygiones, quibus gemma pariter et lapillos intexuêre ac inclusêre: Hinc, uti Catacliza de vasis, Gregorius et de diademate Arnobius dixêre; ita Fortunatus in Vita S. Martini, l. 3. vocem usurpavit, de vestibus, cuius versus ex Codice MS. literis Longobardicis exarato, qui in Bibliotheca Monasterii S. Germani Paris. asservatur, hunc in modum exhibet Car. du Fresne:
Vidisti thalamum Sponsi super omnia pulchri,
Compositum gemmis, aurôque ostrôque decorum:
Quantô zona die lapidum radiabat honore,
Cyclades aut quales cataclycis effora rasis,
Quae palla ex humeris mixtô chrysô Phara beryllis,
Quodve monile decus collo radiabat in illo?
Ubi Cataclyca rasa, idem exponit pannos gemmis unionibusque exornatos. Vide iterum Fortunatum, l. 4. ubi in vestibus pretiosis describendis occupatus est, et cataclyzica fila memorat. Idem permixits radiantia velamina gemmis istiusmodi vestes vocat, l. 2. quemadmodum confertas gemmis vestes, Vopisc. in Aureliano, c. 28. crassiore aurô smaragdinisque superinsutas, Dudo de Moribus Normannorum, l. 3. p. 153. laudatus praefato Carolo du Fresne in Glossario.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.